გაუმკლავდით საკუთარ კომპლექსებს
მოზარდებს ხშირად უვითარდებათ თვითშეფასების კომპლექსი. საქმე ის არის, რომ ზოგს გადამეტებული წარმოდგენა აქვს საკუთარ თავზე, ზოგს კი, პირიქით, ისე ტანჯავს საკუთარი არასრულფასოვნების შეგრძნება, რომ წარმატებების მიღწევაში ხელს უშლის. რას განიცდიან მოზარდები ყველაზე ხშირად?
ისეთი არ ვარ, როგორიც ის
რატომ ვადარებთ თავს სხვა ადამიანებს და ყველაზე ხშირად არა – ჩვენ სასარგებლოდ? ყველაფერი ძალიან მარტივია. როცა ტესტოსტერონის დონე თითქმის ნულის ტოლია, ნაღველი გვეძალება და თავში ასეთი აზრი გაგვიელვებს: “მე რომ მასავით ლამაზი ვიყო…”
“ამდენი ფული მე არასოდეს მექნება…” თუ ამგვარ ფიქრებს დროულად არ აღკვეთთ და ნათელ აზროვნებაზე არ გადაერთვებით, ნაღველი ვირუსის მსგავსად ღრმად შეაღწევს და თქვენს ცხოვრებას ნელ-ნელა დაანგრევს.
როგორც ამერიკელი ფსიქოლოგები ირწმუნებიან, მამაკაცებს, ქალებისაგან განსხვავებით, სხვებთან თავის შედარება არ ახასიათებთ და, თუ შეადარებენ, როგორც წესი, თავიანთ სასარგებლოდ. ქალები კი ამ სენით ათიდან ცხრა შემთხვევაში იტანჯებიან.
თუ ჩვენი ბებიები სახლსა და ოჯახზე იყვნენ კონცენტრირებულნი და სხვებისათვის რაიმეს მტკიცებას არ ცდილობდნენ, თანამედროვე ქალი გარშემო მყოფთა თვალში ყველაფერში სრულყოფილი უნდა იყოს.
ინტერნეტდამოკიდებულება
კომპიუტერის მავნეობაზე საუბრისას მშობლები უმთავრესად მხედველობის დაზიანებას ან გაკვეთილების მოუმზადებლობას გულისხმობენ. უმრავლესობამ არ იცის, რა მასშტაბის ზიანი მოაქვს მრავალრიცხოვან ომებს კოსმოსურ ურჩხულებთან და წარმოდგენა არ აქვს, რა არის ინტერნეტდამოკიდებულება. აი კომპიუტერული დამოკიდებულების ზოგიერთი ნიშანი:
- ვირტუალურ სივრცეში შესვლით გამოწვეული ეიფორია;
- ინტერნეტის გამო უარის თქმა ჭამასა და ძილზე;
- ეკრანთან მრავალი საათის გატარება;
- მეხსიერებისა და აზროვნების დაქვეითება;
- ელექტრონული ფოსტის განუწყვეტლივ შემოწმების სურვილი;
- საოჯახო საქმეების მიმართ ინტერესის დაკარგვა, ახლობელთა სათხოვრის იგნორირება;
- გაღიზიანება, როცა ვინმე ან რამე აიძულებს მათ, ინტერნეტს მოსწყდნენ.
მოზარდები, ისევე როგორც ზრდასრული ადამიანები, გვიან ღამემდე, ზოგჯერ დილამდეც კომპიუტერთან სხედან და გამოუძინებლები რჩებიან, მაგრამ ეს პრობლემის მხოლოდ ნაწილია. თუ ბავშვი მუშაობს არა ახალი თაობის მონიტორთან, არამედ ძველთან, ის განიცდის მაღალი ხარისხის ელექტრომაგნიტური გამოსხივების ზემოქმედებას და იმყოფება ელექტროსტატიკური ველის მოქმედების ზონაში. ეს ველი ფანტავს ეკრანზე მოხვედრილ მტვრის ნაწილაკებს, რომლებიც აზიანებს სახის კანსა და თვალებს. მართალია, კონდიციონერი, იონიზატორი, მტვერსასრუტი, მტვრის ფილტრი და სველი წესით დალაგება ამცირებს მათ მავნე ზემოქმედებას, მაგრამ უმჯობესია, მიზეზი მოსპოთ. კომპიუტერთან დიდხანს უძრავად ჯდომა ტვირთავს კისერს, ზურგს, კიდურებს, იწვევს სახსრებისა და თავის ტკივილს, ადუნებს კუნთოვან სისტემას, აუარესებს აღნაგობას.
ასეთ დიეტაზე ჯერ არ ყოფილხართ- გახდომის 10 საინტერესო რეცეპტი
წონის დაკლებისთვის მხოლოდ კვების შეზღუდვა არ კმარა. გთავაზობთ არანაკლებ ეფექტურ დამატებით რეცეპტებს გასახდომად.
1. მოახდინეთ ფერთა რევოლუცია
მოიმარჯვეთ სარებავები და “ხატეთ” თქვენი იდეალური ფორმები. შემთხვევით არ ასოცირდება ყვითელი დახვეწილობასთან.
ის მოდურ პრეპარატებზე ნაკლებად არ ასუფთავებს ორგანიზმს ტოქსინებისგან და აკონტროლებს წონას. ასე რომ, შექმენით მეტი ყვითელი კოლორი ირგვლივ!
შემჩნეული გექნებათ: იმ რესტორნების დიზაინში, სადაც შვედური მაგიდაა, ლურჯი სჭარბობს. მიირთვით საჭმელი მოლურჯო-მწვანე თეფშიდან და მცირე ულუფებითაც დაკმაყოფილდებით.
თუ დააკვირდებით, ბუნებაში არ არსებობს ლურჯი ფერის საკვები პროდუქტი და ცხოვრებაში ეს ფერი მომატებული მადის დასაქვეითებელ ბუნებრივ საშუალებად ითვლება.
აი, სტაფილოსფერი კი პირიქით – მადას აღძრავს. ცისფერიც ხელს უშლის გახდომის პროცესს. ასე რომ, თუ გინდათ, უფრო თხელი გამოჩნდეთ, მოაშორეთ გარდერობიდან ცისფერი ჯინსი და მაისურები.
რა შეცდომებს უშვებენ წონაში დაკლებისას
მოხდენილი სხეულის ძიებაში ქალბატონები ხშირად საბედისწერო შეცდომებს უშვებენ. სპეციალისტები ამ შეცდომების თავიდან ასაცილებლად რამდენიმე რეკომენდაციასაც გვთავაზობენ.
ყველაზე მოკლე გზა – შიმშილი
ამ გზით გაჯანსაღება შესაძლებელია, მაგრამ წონაში დაკლება – არა. შიმშილის შემთხვევაში თავიდან ყველაფერი კარგად მიდის, წონაში სწრაფად იკლებთ, მაგრამ ცოტა ხანში ორმაგს იმატებთ და უკვე ძალიან გიჭირთ ფორმაში ჩადგომა. თუ ძალიან გსურთ იშიმშილოთ, ეცადეთ, ეს ორ-სამ დღეზე მეტხანს არ გააგრძელოთ.
ყველაზე საშიში დიეტები
მოხდენილი სხეული ბევრი ქალბატონის ოცნებაა. რას აღარ მიმართავენ მანდილოსნები ამის მისაღწევად – ვარჯიშებს, მედიკამენტებს და რა თქმა უნდა, დიეტებს.
დღესდღეობით უამრავი დიეტა არსებობს: კომბოსტოს, გრეიპფრუტის, კრემლის, ჩინური, სითხის და ა.შ. თუმცა ამ დიეტების უმრავლესობა არ იძლევა დადებით ეფექტს (ან ძალიან მოკლევადიანს), ამავე დროს ქალბატონები, რომლებიც ასეთ დიეტებს რეგულარულად იცავენ, გამოუსწორებელ ზიანს აყენებენ ჯანმრთელობას.
გავარკვიოთ, რომელი დიეტაა სახიფათო ჯანმრთელობისთვის და როგორ უკეთესია ვიკვებოთ იმისათვის, რომ დავიკლოთ წონაში? წარმოგიდგენთ დიეტებს, რომლებსაც უმჯობესია, გვერდი ავუაროთ.
ჯანმრთელობის მენიუ -რძის პროდუქტები
რძეს სიცოცხლის წვენს უწოდებენ. შემთხვევითი არ არის, რომ ჩვენი პირველი და მთავარი საკვები სწორედ რძეა. ის ადამიანისთვის ყველა აუცილებელ ნივთიერებას, ბევრ ვიტამინსა და მოკროელემენტს შეიცავს. გარდა ამისა, მის შემადგენლობაში შედის სპეციალური ცილა, რომელიც ორგანიზმის მიერ ბევრად უფრო კარგად შეითვისება, ვიდრე ხორციდან.
დამტკიცებულია, რომ უცხიმო რძის პროდუქტების რეგულარულად მიღება გულ-სისხლძარღვთა დაავადებების (ინსულტი, ჰიპერტონია)რისკს 50%-ით ამცირებს. ცილების სრული კომპლექსის წყალობით, რომელთა შორისაა გლობულინი, რძე ჩვენს დამცავ ძალებს აძლიერებს და ორგანიზმს დაავადებებისგან იცავს.
სიცოცხლისთვის აუცილებელი ელემენტები
ადამიანის ორგანიზმისთვის ვიტამინები რომ აუცილებელია, ეს ყველასთვის დიდი ხანია ცნობილია. მაგრამ ყველა ორგანოსა და სისტემას გამართული მუშაობისთვის ასევე მეტად მნიშვნელოვანია მაკრო და მიკროელემენტები. სწორედ ამ პაწაწინა “აგურებისგან” იგება ჩვენი ჯანმრთელობა.
პრობლემები მეხსიერებასთან და ყურადღებასთან, ცუდი განწყობა, ცხოვრებისეული ტონუსის დაქვეითება, ქრონიკული დაავადებები- ყველაფერი ეს შეიძლება რაციონში ამ განსაკუთრებული ნივთიერებების ნაკლებობის შედეგი იყოს. მათი მონაწილეობის გარეშე გაცვლითი პროცესები პრაქტიკულად შეუძლებელია. მართალია, ორგანიზმს ისინი ძალიან მცირე დოზით ესაჭიროება, მაგრამ ერთი რომელიმე მათგანის დეფიციტს შეუძლი, ჯანმრთელობასთან დაკავშირებული სერიოზული პრობლემები შეგვიქმნას. მიკროელემენტების განსაზღვრა თმის ანალიზით ხდება.
გაგაცნობთ 12 სტრუქტურულ მიკროელემენტს. ადამიანის სხეული სწორედ მათგან შედგება.
თავის ტკივილის უწამლოდ დამარცხების საშუალებები
თავის ტკივილი სერიოზული სიმპტომია, ამიტომ უმჯობესია ამ მოვლენას ზერელედ არ მიუდგეთ და ნევროპათალოგთან ან თერაპევტთან კომპლექსური გამოკვლევა ჩაიტაროთ. თუ სპეციალისტები ვერავითარ ნევროლოგიურ პათოლოგიას ვერ აღმოაჩენენ, შეგიძლიათ ტკივილს საკუთარი ძალებით გაუმკლავდეთ.
ყავა – დავლიოთ თუ არა?
ჩვენს მაგიდაზე ყავა რომ გაჩნდა, ეს ეთიოპიის მცხოვრებთა დამსახურებაა. სწორედ აფრიკის ამ ქვეყანაში შენიშნეს, რომ თხები, რომლებიც მთის ბუჩქის ტოტებიდან კენკრას მიირთმევდნენ, საოცრად ენერგიულები გახდნენ. ადამიანებმა გადაწყვიტეს, ეს საოცარი ნაყოფი გაესინჯათ. შეცდომებისა და მოსინჯვების მეთოდით, ამ კენკრისგან არომატული სასმელი მოამზადეს, რაც მალე მთელ მსოფლიოში გავრცელდა.
თანამედროვე მეცნიერთა აზრით, ყავა სრულიად უსაფრთხო სასმელი არ არის. მთავარია ზომიერებიც დაცვა. მეცნიერები თვლიან, რომ დღეში 2-3 ფინჯანი ყავა ჯანმრთელობას არ ვნებს.
გახდომა შავი ჩაისა და ლურჯი მოცვის დახმარებით
მეცნიერებმა დაადგინეს, რომ წონაში დაკლება შავი ჩაის რეგულარული გამოყენებით შეიძლება.
შავი ჩაი მოხდენილ გარეგნობას დაგიბრუნებთ, მთავარია, მას რძე არ დაუმატოთ. როგორც აღმოჩნდა, რძე შავ ჩაის მთლიანად უკარგავს სასარგებლო თვისებებს.
შავი ჩაი შეიცავს თეაფლავინსა და თეარუბიგინს, რომლებიც აფერხებენ ნაწლავების მიერ ცხიმების შეწოვის პროცესს. რძეში შემავალი პროტეინები კი, პირიქით, ანეიტრალებენ შავი ჩაის თვისებას, ხელი შეუშალოს კილოფრამების მატებას.
ცნობილი გახდა აგრეთვე, რომ იაპონელი მეცნიერები ცდილობენ, შექმნან ჩაის ახალი ჯიშები, რომლებშიც ჩვეულებრივზე მეტი რაოდენობით იქნება თეაფლავინი და თეარუბიგინი.